Alt for Noreg

24 Aug 2010

Sist onsdag reiste eg avgårde til Steinkjer for å delta på landslagssamling. Me er 14 stykk som har trent og spelt og drylt og fiska og gørba og slengt oss og fått vondt og slete oss ut på treningar i Steinkjerhallen og Stodhallen, kyndig leda av Neven Kuresevic og Indo Haruya, to freshe trenarar.

Me sov på ymse stader, eg for eksempel sov i ein nedlagt barnehage. Andre sov hos privatfamiliar med store hus. Ellers har me gjennom egenandelen fått servert loads av måltid kvar dag. Nais. Me var i det heile tatt svært nøgde med opplegget.

Første dagen på samling skulle me ta maks knebøy og rekkeviddetest. Me begynte såklart med knebøy, sånn at rekkeviddetesten blei heilt ødelagt. Eg maksa iallfall 100kg på knebøyen, ein framgong på 100kg frå min tidligare pers Klarte ikkje hoppe noko særlig på rekkeviddetesten, så eg står framleis med 309 cm som pers. Litt dårlig. Så følgte 5 dagar med hard trening, med mykje instruksar frå Indo, som pirka på ting me ikkje har tenkt mykje på før. Nyttige og gode treningar. Dei to siste øktene blei det mykje speling = kjekt. Til slutt blei me fortalt uttaket til turen til Serbia. Eg var så heldig at eg vart teken ut her. Eg kan altså for første gong kalle meg landslagsspelar. Det kjennest ganske godt, av fleire grunnar.

No blir det steintungt å måtte fokusere på skule i ei heil veke før Serbiaturen. Må ta igjen den lærdommen eg har mista medan eg var vekke. Urk. Den som var profesjonell volleyballspelar.

Blogg, Volleyball 5 kommentarar